හදිසි අනුමත කිරීමේ (Fast-track) නිවාස ව්යාපෘති යොමු කිරීම් අත්හිටුවීමට අග්රාමාත්ය ක්රිස්ටෝෆර් ලුක්සන්ගේ දැඩි අකමැත්ත!
පවත්නා යටිතල පහසුකම්වලට දැඩි පීඩනයක් එල්ල වන බැවින් හදිසි අනුමත කිරීමේ (fast-track) ක්රමවේදය යටතේ ක්රියාත්මක වන නිවාස ව්යාපෘති තාවකාලිකව අත්හිටුවන ලෙස ප්රාදේශීය ආණ්ඩු ක්රම නවසීලන්තය (Local Government New Zealand – LGNZ) විසින් රජයෙන් ඉල්ී සිටියද, එම ඉල්ලීම ඉටු කිරීමට අග්රාමාත්ය ක්රිස්ටෝෆර් ලුක්සන් (Christopher Luxon) එකඟ වී නැත. ව්යාපෘති සඳහා අනුමැතිය ලබාදීම හදිසියේ නැවැත්විය නොහැකි බව පවසන අග්රාමාත්යවරයා, නවසීලන්තයේ ඉදිකිරීම් කටයුතු අතිශයින් මන්දගාමී වීම හේතුවෙන් මෙම හදිසි අනුමත කිරීමේ ක්රමවේදය අත්යවශ්යයෙන්ම හඳුන්වා දුන් බව අවධාරණය කළේය.
LGNZ හි උප සභාපති ඩෑන් ගෝඩන් (Dan Gordon) පෙන්වා දී ඇත්තේ ඇතැම් ව්යාපෘති සඳහා යටිතල පහසුකම් සූදානම් කර ඇති ප්රදේශවලට වඩා දැනටමත් පවතින පහසුකම් මත දැඩි බරක් පටවන බවයි. මේ අතර, අනපේක්ෂිත ලෙස අනුමත කරන ලද නිවාස 50,000ත් 60,000ත් අතර සංඛ්යාවක් හේතුවෙන් ඕක්ලන්ඩ් නගර සභාවට ඩොලර් බිලියන 5ක් දක්වා වූ දැවැන්ත යටිතල පහසුකම් පිරිවැයකට මුහුණ දීමට සිදුවිය හැකි බවට අනතුරු අඟවා තිබේ. ඇතැම් ව්යාපෘති සඳහා සේවා සැපයීමට හෝ මූල්යමය ආධාර සැපයීමට නොහැකි වන බව සංවර්ධකයින්ට සහ අනාගත පදිංචිකරුවන්ට දන්වා සිටින්නේ කෙසේද යන්න පිළිබඳව ඕක්ලන්ඩ් නගර සභාව මේ වන විට විශේෂ විමර්ශනයක් ආරම්භ කර ඇත.
අග්රාමාත්ය ක්රිස්ටෝෆර් ලුක්සන් ‘Morning Report’ වැඩසටහන සමඟ අදහස් දක්වමින් කියා සිටියේ සමස්ත හදිසි අනුමත කිරීමේ ක්රමවේදය යටතේ අනුමත කර ඇත්තේ නිවාස ව්යාපෘති 13ක් පමණක් බවයි. අමාත්යවරුන්ට ව්යාපෘති ප්රතික්ෂේප කිරීමට ඇති බලය සහ ස්වාධීන විශේෂඥ මණ්ඩලයක් හරහා නිසි පරීක්ෂාවන් සිදු කෙරෙන බව ඔහු පෙන්වා දුන්නේය. සංවර්ධන දායක මුදල් (development contributions) සම්බන්ධයෙන් කටයුතු කිරීමට නීතිමය වෙනස්කම් කිහිපයක් මෙම පාර්ලිමේන්තු වාරය අවසන් වීමට පෙර සිදු කිරීමට රජය අපේක්ෂා කරන බව ඔහු සඳහන් කළේය. රට පුරා ප්රමාණවත් නිවාස ඉදිකිරීමට නගර සභා කටයුතු නොකිරීම හේතුවෙන් ඇතැම් නිවාස ව්යාපෘති සඳහා පුද්ගලික ජල යටිතල පහසුකම් පවා තනිවම ගොඩනඟා ගැනීමට සිදුව ඇති බව අගමැතිවරයා වැඩිදුරටත් කියා සිටියේය.
