එල් නිනෝ දේශගුණික සංසිද්ධියෙන් ශ්රී ලංකාවේ ආර්ථික වර්ධන වේගයට බලපෑමක් එල්ල වීමේ අවදානමක් – මහ බැංකුව!
දියත නිවුස් නිව්සීලන්තය (Diyatha News New Zealand)
කොළඹ, ශ්රී ලංකා — 2026 අගෝස්තු 15 —
එල් නිනෝ (El Niño) දේශගුණික සංසිද්ධිය ශ්රී ලංකාවේ කෘෂිකර්මාන්තයට එල්ල කරන බලපෑම හේතුවෙන් එරට ආර්ථික වර්ධන වේගය පහළ යාමේ අවදානමක් පවතින බව ශ්රී ලංකා මහ බැංකුව විසින් නිකුත් කරන ලද නවතම වාර්තාවක දැක්වේ.
එමඟින් පෙන්වා දී ඇත්තේ එල් නිනෝ තත්ත්වය හේතුවෙන් ශ්රී ලංකාවේ උද්ධමනයද ඉහළ යාමේ අවදානමක් ඇති බවයි. මෙම දේශගුණික සංසිද්ධිය ශ්රී ලංකාවට වියළි කාලගුණයක් සහ අධික වර්ෂාපතනයක් ලෙස ආකාර දෙකකින් බලපෑම් කළ හැකි අතර, මේ සම්බන්ධයෙන් පවතින ඉහළ අවිනිශ්චිතතාවය නිසා එය ආර්ථිකයට අවදානමක් ලෙස නම් කර තිබේ.
මහ බැංකු වාර්තාවේ අනෙකුත් ප්රධාන කරුණු
- මැදපෙරදිග අර්බුදයේ බලපෑම: මැදපෙරදිග අර්බුදය හේතුවෙන් ශ්රී ලංකාවේ ආර්ථිකයට එල්ල වනු ඇතැයි අපේක්ෂා කළ බලපෑමට වඩා අඩු බලපෑමක් එල්ල වී ඇති අතර, ඒ හරහා මෙම වසරේ දෙවන භාගයේදීද ආර්ථික වර්ධන වේගය ස්ථාවරව පවතිනු ඇතැයි අපේක්ෂා කෙරේ. කෙසේ වෙතත්, අර්බුදය යළි තීව්ර වීම සහ දේශගුණික විපර්යාස ආර්ථික වර්ධනයට දැඩි අවිනිශ්චිතතාවයක් එක් කරන බව වාර්තාව පෙන්වා දෙයි.
- ගෝලීය බොරතෙල් මිල පුරෝකථන: මේ වසරේදී ගෝලීය බ්රෙන්ට් බොරතෙල් බැරලයක් ඇමරිකානු ඩොලර් 80ක සීමාවේ පවතිනු ඇතැයි පුරෝකථනය කර ඇති අතර, ලබන වසරේදී එය ඩොලර් 70 දක්වා පහළ යනු ඇතැයි අපේක්ෂා කෙරේ.
