කෙල්ස්ටන් බෝයිස් විද්යාලයේ හිටපු ගුරුවරයෙක් දරුවන් අපයෝජනය කිරීමේ වරදට හසුවේ – මීට පෙරද ළමා අපචාර ද්රව්ය සන්තකයේ තබාගැනීමේ වරදකරුවෙක්!
ඕක්ලන්ඩ් දිස්ත්රික් උසාවිය විසින් කෙල්ස්ටන් බෝයිස් උසස් පාසලේ (Kelston Boys’ High School) හිටපු සංගීත ගුරුවරයෙකු සහ කතුවරයෙකු වන මරේ සේකී (Murray Sakey) නමැත්තා කුඩා පිරිමි ළුවන් දෙදෙනෙකු ලිංගිකව අපයෝජනය කිරීමේ චෝදනාවට වරදකරු කර තිබේ.
අවුරුදු 70 කට වඩා වැඩි වියේ පසුවන සේකී, මීට දශක තුනකට පමණ පෙර බටහිර ඕක්ලන්ඩ් හි පිහිටි සිය නිවසේදී සංගීත පුහුණුවීම් සඳහා පැමිණි දරුවන් දෙදෙනෙකු මෙලෙස අපයෝජනය කර ඇති බව මීට පෙර මධ්ය මඟින් අනාවරණය විය. 2024 වසරේදී ළමා අපචාර ද්රව්ය (child exploitation material) සන්තකයේ තබා ගැනීම සම්බන්ධයෙන් ඔහු වරදකරු වී ඇති බවට වාර්තා පළ වීමත් සමඟ, මෙම වින්දිතයින් දෙදෙනා ඉදිරිපත් වී පොලිසියට ප්රකාශ ලබා දී තිබේ. දරුවන් කෙරෙහි තමා තුළ ඇල්මක් තිබූ බව පිළිගත් විත්තිකරු, ඔවුන් සමඟ එකම ඇඳේ නිදා ගැනීම වැනි ක්රියා සිදු කළද ලිංගික අපයෝජනයන් ප්රතික්ෂේප කළේය.
කෙසේ වෙතත්, සාක්ෂි සලකා බැලූ ජූරි සභිකයින් ඔහුට එල්ල වූ අසභ්ය චෝදනා හතකට වරදකරු කර ඇති අතර, එක් මරණ තර්ජන චෝදනාවකින් නිදහස් කළේය. මීට පෙර නඩු විභාගයකදී අසභ්ය ප්රකාශන සන්තකයේ තබා ගැනීම සම්බන්ධයෙන් මාස 5ක නිවාස සිරදඬුවමකට ලක්ව සිටි සේකී, වරදකරු වීමෙන් පසු මේ වන විට රක්ෂිත බන්ධනාගාරගත කර ඇති අතර, ඔහුට එරෙහි දඬුවම් නියම කිරීම ඉදිරියේදී සිදු කිරීමට නියමිතය.
