ACT සහ NZ First පක්ෂවලින් දැඩි ආගමන පාලන ක්රමයක් කරා තල්ලුවක් – අනෙක් පක්ෂවලින් ජනප්රියවාදී ප්රතිපත්තිවලට දැඩි විරෝධයක්!
ඕක්ක්ලන්ඩ් නුවර පැවති වාර්ෂික ආගමන විගමන සමුළුවේදී (Immigration Conference) ACT සහ නවසීලන්ත ප්රථම (New Zealand First) පක්ෂ විසින් සංක්රමණිකයන් සීමා කිරීම සඳහා දැඩි යෝජනා මාලාවක් ඉදිරිපත් කර ඇති අතර, ඊට ප්රතිචාර දක්වමින් ජාතික පක්ෂය (National), කම්කරු පක්ෂය (Labour) සහ හරිත පක්ෂය (The Greens) විසින් ජනප්රියවාදී සහ සංක්රමණික විරෝධී ප්රතිපත්තිවලට එරෙහිව දැඩි අනතුරු ඇඟවීම් සිදු කර ඇත.
සමුළුව අමතමින් NZ First නායක වින්ස්ටන් පීටර්ස් සංක්රමණ සීමා කරන යෝජනා දුසිමකට වඩා ඉදිරිපත් කළ අතර, ACT පක්ෂය නියෝජනය කරමින් පර්මජීත් පර්මාර් (Parmjeet Parmar) ස්ථිර පදිංචි වීසා ක්රමය (PR) අහෝසි කර ඕස්ට්රේලියානු සහ කැනේඩියානු ක්රමවේදයන්ට සමාන අඛණ්ඩ පැමිණීමේ පරීක්ෂණයක් හඳුන්වා දෙන ලෙසත්, නීතිවිරෝධී ලෙස රටේ රැඳී සිටින්නන් (overstayers) වෙනුවෙන් විශේෂ බලාත්මක කිරීමේ ඒකකයක් පිහිටුවන ලෙසත් ඉල්ලා සිටියාය. කෙසේ වෙතත්, මෙම යෝජනා දැඩි ලෙස ප්රතික්ෂේප කර ඇති ආගමන අමාත්ය මෙන්ම ජාතික පක්ෂයේ එරිකා ස්ටැන්ෆර්ඩ් (Erica Stanford) සඳහන් කළේ ස්ථිර පදිංචි වීසා බලපත්රය ඉවත් කිරීමෙන් ද්විත්ව පුරවැසිභාවය නොමැති අයට අසාධාරණයක් වන බවත්, එය දක්ෂ වෘත්තීයවේදීන් ආකර්ෂණය කර ගැනීමට බාධාවක් වන බවත්ය.
