ශ්රී ලංකාවේ සත්ත්ව සහ ජාතික ජල සම්පාදන පනත් කෙටුම්පත් පාර්ලිමේන්තුවේදී සම්මත වෙයි!
දියත නිවුස් නිව්සීලන්තය (Diyatha News New Zealand)
කොළඹ, ශ්රී ලංකා — 2026 අගෝස්තු 07 — ශ්රී ලංකා පාර්ලිමේන්තුවේදී සත්ව (සංශෝධන) පනත් කෙටුම්පත සහ ජාතික ජල සම්පාදන හා ජලාපවහන මණ්ඩල (සංශෝධන) පනත් කෙටුම්පත අනුමත වී සම්මත වී තිබේ.
1. සත්ව (සංශෝධන) පනත් කෙටුම්පතේ විශේෂතා
- ප්රවාහන බලපත්ර පුළුල් කිරීම: මීට පෙර ගවයන් සහ මී ගවයන් ප්රවාහනය සඳහා පමණක් අදාළ වූ නීතිමය විධිවිධාන, ඉදිරියේදී ඌරන්, බැටළුවන් සහ එළුවන් ප්රවාහනය කිරීමේදීද අදාළ නිල බලපත්ර ලබාගැනීම අනිවාර්ය වන පරිදි පුළුල් කර ඇත.
- රෝග පාලනය: සතුන්ගෙන් මිනිසුන්ට බෝවිය හැකි රෝග ව්යාප්තිය පාලනය කිරීම මෙහි ප්රධාන අරමුණ වේ.
- සත්ව සුබසාධන පනත සමඟ පටලවා නොගන්නා ලෙස දැනුම්දීම: කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත මහතා පාර්ලිමේන්තුවේදී සඳහන් කළේ, මෙම සංශෝධනය සමාජයේ කතාබහට ලක්ව ඇති ‘සත්ව සුබසාධන පනත’ නොවන බවත්, අලි ඇතුන් සම්බන්ධයෙන් මතුවී ඇති ගැටලු ඇතුළු අනෙකුත් කරුණු සම්බන්ධයෙන් අදාළ පාර්ශ්ව සමඟ පුළුල් සාකච්ඡා කිරීමෙන් අනතුරුව ඉදිරි පියවර ගන්නා බවත්ය. මල්වතු පාර්ශ්වයේ මහා නායක හිමියන් ද මධ්ය මධ්යම පළාත් නව ආණ්ඩුකාරවරයා හමුවේ පෙරහරට වන බලපෑම් පිළිබඳව සිය අවධානය යොමු කර තිබිණි.
2. ජාතික ජල සම්පාදන හා ජලාපවහන මණ්ඩල (සංශෝධන) පනත
- කාර්යක්ෂමතාව ඉහළ නැංවීම: නිවාස, ඉදිකිරීම් සහ ජල සම්පාදන අමාත්යවරයා විසින් ඉදිරිපත් කරන ලද මෙම පනත් කෙටුම්පත මඟින් ජාතික ජල සම්පාදන හා ජලාපවහන මණ්ඩලයේ ආයතනික කාර්යක්ෂමතාව ඉහළ නැංවීම, ජල සම්පාදන සේවා කළමනාකරණය වඩාත් විධිමත් කිරීම සහ මණ්ඩලයේ වගකීම් පුළුල් කිරීම අරමුණු කර ඇත.
