අමෙරිකානු ප්රහාරවලට ප්රතිචාර ලෙස ඉරානයෙන් ජෝර්දානයට මිසයිල ප්රහාරයක්!
අමෙරිකානු නාවික හමුදාවට එල්ල වූ ප්රහාරක උත්සාහයන්ට ප්රතිප්රහාර ලෙස අමෙරිකාව විසින් ඉරාන තෙල් නෞකා 5ක් විනාශ කර දැමීමත් සමඟ මැදපෙරදිග උණුසුම තවත් ඉහළ ගොස් තිබේ. අමෙරිකානු මධ්යම විධානය (CENTCOM) සඳහන් කළේ ඕමාන වොයිස් සහ ඛාර්ග් දූපත ආසන්නයේදී මෙම තෙල් නෞකා ඉලක්ක කර ප්රහාර එල්ල කළ බවයි. ඉරාන නෞකා මඟින් අමෙරිකානු යුද නෞකා වෙත බැලිස්ටික් මිසයිල ප්රහාර එල්ල කිරීමට ගත් අසාර්ථක උත්සාහයන්ට ප්රතිචාර වශයෙන් මෙම පියවර ගෙන ඇත.
මෙම ප්රහාරවලට දැඩි ලෙස ප්රතිචාර දක්වා ඇති ඉරානය, අමෙරිකාවේ කලාපීය මිත්ර පාර්ශ්වයක් වන ජෝර්දානයේ පිහිටි මුවෆ්ෆක් සාල්ටි ගුවන් හමුදා කඳවුර ඉලක්ක කරගනිමින් බැලස්ටික් මිසයිල ප්රහාර මාලාවක් එල්ල කර තිබේ. ජෝර්දාන හමුදා ප්රකාශ කළේ එල්ල වූ මිසයිල ප්රහාර වලින් බහුතරයක් අහසේදීම සාර්ථකව intercepted (මැඩපැවැත්වීමට) කටයුතු කළ බවත්, සිද්ධියෙන් කිසිදු ජීවිත හානියක් වාර්තා වී නැති බවත්ය. කෙසේ වෙතත්, කලාපයේ තෙල් නෞකා සහ අමෙරිකානු ඉලක්ක වෙත ඉදිරියේදී දැඩි ප්රහාර එල්ල කරන බවට ඉස්ලාමීය විප්ලවීය ආරක්ෂක බලකාය (IRGC) අනතුරු අඟවා ඇත.
