ශ්‍රී ලංකා – ඉන්දියා පළමු ටෙස්ට් තරගය ජය ගැනීමට ශ්‍රී ලංකාවට තවත් ලකුණු 288ක් අවශ්‍යයි!

දියත නිවුස් නිව්සීලන්තය (Diyatha News New Zealand)

ගාල්ල, ශ්‍රී ලංකා — 2026 අගෝස්තු 19 —

ශ්‍රී ලංකාව සහ සංචාරක ඉන්දීය කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වෙන පළමු ටෙස්ට් ක්‍රිකට් තරගයේ සිව්වන දිනය නිමාවන විට, ජයග්‍රහණය සඳහා ලකුණු 372ක දැවැන්ත ඉලක්කයක් හඹා යන ශ්‍රී ලංකා කණ්ඩායම සිය දෙවැනි ඉනිම වෙනුවෙන් කඩුලු 4ක් දැවී ලකුණු 84ක් ලබා සිටී .

ඒ අනුව, තරගයේ අවසන් දිනය වන අද (19) දින ජයග්‍රහණය කරා ළඟා වීම සඳහා ශ්‍රී ලංකාවට තවත් ලකුණු 288ක අවශ්‍යතාවක් පවතින අතර, අතැති කඩුලු 6ක් පමණක් සමඟින් ඉන්දීය පන්දු යවන්නන්ගේ දැඩි පීඩනයට මුහුණ දීමට කණ්ඩායමට සිදුව ඇත.

තරගයේ විශේෂස්ථාන

• කඩුල්ලේ රැඳී සිටින පිතිකරුවන්: දිනය නිමාවන විට නායක ධනංජය ද සිල්වා නොදැවී ලකුණු 31ක් සහ සොනාල් දිනූෂ නොදැවී ලකුණු 25ක් ලබා කඩුල්ලේ ස්ථාවර වෙමින් යම් ප්‍රතිරෝධයක් ගොඩනඟමින් සිටිති .
• දෙවැනි ඉනිමේ බිඳ වැටීම්: ශ්‍රී ලංකා දෙවැනි ඉනිමේ ආරම්භය අසාර්ථක කරමින් නිශාන් මධුෂ්ක (ලකුණු 6යි), පසිඳු සූරියබණ්ඩාර (ලකුණු බිංදුවයි), කමිඳු මෙන්ඩිස් (ලකුණු 2යි) සහ ලහිරු උදාර (ලකුණු 16යි) දැවී ගියහ . ඉන්දීය පන්දු යැවීම වෙනුවෙන් මනව සුතාර් කඩුලු 2ක් ද, මොහොමඩ් සිරාජ් සහ ප්‍රසිද් ක්‍රිෂ්ණා එක් කඩුලු බැගින් ද දවා ගත්හ .
• ඉන්දියාවේ දෙවැනි ඉනිම: මීට පෙර ඉන්දියාව සිය දෙවැනි ඉනිම සඳහා ලකුණු 193ක් ලබා ගත්තේය එහිදී රිෂාබ් පන්ට් ප්‍රහාරාත්මක ලකුණු 66ක් රැස්කළ අතර, දේව්දත් පඩික්කල් ලකුණු 44ක් සහ කේ.එල්. රාහුල් ලකුණු 35ක් ලබා ගත්හ ශ්‍රී ලංකා පන්දු යැවීමෙන් අසිත ප්‍රනාන්දු කඩුලු 4ක්, ප්‍රභාත් ජයසූරිය කඩුලු 3ක් සහ ලහිරු කුමාර කඩුලු 2ක් දවා ගත්හ.