බෙංගාල බොක්කේ මුහුදුබත් වූ නෞකාවේ සිටි දෙදෙනෙක් බේරාගනියි – 22 දෙනෙකු අතුරුදන්!
නවදිල්ලිය, ඉන්දියාව — 2026 අගෝස්තු 24 —
බෙංගාල බොක්ක ආශ්රිත ඔඩිෂා වෙරළට නාවික සැතපුම් 240ක පමණ දුරින් අනතුරට ලක්ව මුහුදුබත් වූ පැනමා ධජය සහිත භාණ්ඩ ප්රවාහන නෞකාවක කාර්ය මණ්ඩල සාමාජිකයන් දෙදෙනෙකු මුදා ගැනීමට ඉන්දීය වෙරළාරක්ෂක බලකාය සමත්ව තිබේ. කෙසේ වෙතත්, තවත් 22 දෙනෙකු අතුරුදන් වී ඇති බව වාර්තා වේ.
සිද්ධිය වූ ආකාරය සහ ගැලවුම් මෙහෙයුම:
- නෞකාව මුහුදුබත් වීම: ‘MV Ocean-Winner’ නම් වූ මෙම නෞකාව අගෝස්තු 20 වන දින රාත්රියේ ඔඩිෂාහි පැරිඩිප් වරායෙන් පිටත්ව ගොස් ඇත්තේ යකඩ ලෝහ ටොන් 1,700ක් රැගෙන යමිනි. පසුගිය 22 වන දින රාත්රියේ මෙම නෞකාව සමඟ සන්නිවේදනය බිඳ වැටී ඇති අතර, විනාඩි 8ක් වැනි කෙටි කාලයක් තුළ එය මුහුදුබත් වී ඇත.
- කාර්ය මණ්ඩලය: නෞකාව අනතුරට පත්වන විට එහි 24 දෙනෙකුගෙන් යුත් කාර්ය මණ්ඩලයක් සිට ඇත. ඉන් 20 දෙනෙකු චීන ජාතිකයින් වන අතර, තිදෙනෙකු මියන්මාර සහ තවත් අයෙකු බංග්ලාදේශ ජාතිකයෙකි.
- ගැලවුම් මෙහෙයුම්: ඉන්දීය වෙරළාරක්ෂක බළකාය සහ ඉන්දීය නාවික හමුදාව ඒකාබද්ධව ක්රියාත්මක කළ මුදාගැනීමේ මෙහෙයුම් මඟින් චීන ජාතිකයින් දෙදෙනෙකු බේරාගෙන ඇති අතර, අතුරුදන් වූ සෙසු පිරිස සොයා සෝදිසි කිරීම් අඛණ්ඩව ක්රියාත්මක වේ.
