පොලිස්පති රිචඩ් චේම්බර්ස්ට එරෙහි චෝදනා සාක්ෂි නොමැතිකම නිසා නිදහස් කරයි!

පොලිස්පති රිචඩ් චේම්බර්ස් (Richard Chambers) වෙත එල්ල වී තිබූ චෝදනා සම්බන්ධයෙන් ස්වාධීන පොලිස් චර්යා අධිකාරිය (IPCA) සහ පොලිස් ජාතික අඛණ්ඩතා ඒජන්සිය විසින් සිදු කරන ලද ගැඹුරු පරීක්ෂණයකින් පසු ඔහුට එරෙහි සියලු වැරදි චෝදනා නිදහස් කර තිබේ. මීට දශක දෙකකට පමණ පෙර එනම් 1990 ගණන්වලදී හිටපු සහකාරියක විසින් කරන ලද ඓතිහාසික ලිංගික අපරාධ සහ මංකොල්ලකෑම් මෙන්ම ඩිජිටල් නිරීක්ෂණ (stalking and digital surveillance) සම්බන්ධයෙන් මෙම පරීක්ෂණ මෙහෙයවා ඇත.

පොලිස් ජාතික අඛණ්ඩතා ඒජන්සියේ පළපුරුදු නිරීක්ෂකයින් සහ රහස් පරීක්ෂකයින් විසින් කරන ලද පුළුල් විමර්ශනවලදී, පැමිණිලිකාරිය විසින් ඉදිරිපත් කරන ලද ඩිජිටල් නිරීක්ෂණ සහ ලුහුබැඳීමේ චෝදනා සනාථ කිරීමට කිසිදු සාක්ෂියක් හමු වී නොමැති අතර, ඊට ප්‍රතිවිරුද්ධ සාක්ෂි රැසක් අනාවරණය වී ඇති බව IPCA වාර්තා කරයි. එසේම, 1999 වසරට අයත් යැයි කියන ඓතිහාසික ලිංගික අපරාධ චෝදනාව සම්බන්ධයෙන්ද පොලිසිය සහ ස්වාධීන අධිකාරිය විසින් දැඩි ලෙස විමර්ශන සිදු කර ඇති අතර, නඩු පැවරීම සඳහා අවශ්‍ය ප්‍රමාණවත් සාක්ෂි හෝ නීතිමය පදනමක් (evidential test) නොමැති බව ක්‍රවුන් සොලිසිටර් (Crown Solicitor) වෙත යොමු කළ ස්වාධීන සමාලෝචනයකින්ද තහවුරු වී ඇත.

මෙම විමර්ශනයේ ප්‍රතිඵලය සාදරයෙන් පිළිගන්නා බව ප්‍රකාශ කර ඇති පොලිස්පති රිචඩ් චේම්බර්ස්, තමා ආරම්භයේ සිටම මෙම චෝදනා දැඩි ලෙස ප්‍රතික්ෂේප කළ බව පවසා ඇත. නිසි ක්‍රියාමාර්ග සහ නීත්‍යානුකූල පරීක්ෂණයක් හරහා සත්‍යය එළියට පැමිණීම වැදගත් වන බවත්, තමා දැන් කිසිදු පැකිළීමකින් තොරව ප්‍රජාව ආරක්ෂා කිරීමේ සහ ඉදිරි රාජකාරි කටයුතුවල නිරත වන බවත් ඔහු වැඩිදුරටත් සඳහන් කළේය. මෙම විමර්ශනයට අදාළව රාජ්‍ය සේවා කොමිෂන් සභාවටද රහස් වාර්තාවක් ලබා දී ඇති අතර, පෞද්ගලිකත්ව ගැටළු සහ බලපෑමට ලක් වූ පාර්ශ්වයන්ගේ අවශ්‍යතා සලකා බමමින් ඉදිරියේදී වැඩිදුර අදහස් දැක්වීමෙන් වැළකී සිටින බව IPCA ප්‍රකාශ කර ඇත.