ජැෆ්නා කිංග්ස් කණ්ඩායම LPL අවසන් මහා තරගයට!

දියත නිවුස් නිව්සීලන්තය (Diyatha News New Zealand)

වෙලින්ටන්, නවසීලන්තය — 2026 අගෝස්තු 06 — ගෝල් ගැලන්ට්ස් කණ්ඩායම ලකුණු 14කින් පරාජය කරමින් මෙවර ලංකා ප්‍රිමියර් ලීග් (LPL) ක්‍රිකට් තරගාවලියේ අවසන් මහා තරගයට සුදුසුකම් ලබාගැනීමට ජැෆ්නා කිංග්ස් කණ්ඩායම ඊයේ (05) සමත් විය.

1. තරගයේ විශේෂ අවස්ථා

• ඉතිහාසගත වීම: මෙය ජැෆ්නා කිංග්ස් කණ්ඩායම LPL ඉතිහාසයේ අවසන් තරගයකට සුදුසුකම් ලැබූ 5 වන අවස්ථාව ලෙස වාර්තා අතරට එක්වේ.
• පළමු අවසන් පූර්ව තරගය (Qualifier 1): කොළඹ ආර්. ප්‍රේමදාස ක්‍රීඩාංගණයේදී පැවැති මෙම තරගයේදී කාසියේ වාසිය දිනූ ගෝල් කණ්ඩායමේ ආරාධනාවෙන් ප්‍රථමයෙන් පන්දුවට පහදුන් ජැෆ්නා කණ්ඩායම කඩුලු 2ක් පමණක් දැවී දැවැන්ත ලකුණු 242ක් රැස් කළේය. මෙය එල්.පී.එල්. ඉතිහාසයේ කණ්ඩායමක් වාර්තා කළ ඉහළම ලකුණු සංඛ්‍යාව වේ.
• කමිල් මිශාරගේ විශිෂ්ඨ ශතකය: ජැෆ්නා ඉනිම වෙනුවෙන් අනගි පිතිහරඹයක නිරත වූ කමිල් මිශාර, පන්දු 55කට මුහුණදෙමින් හයේ පහර 7ක් සහ හතරේ පහර 10ක් සමඟින් නොදැවී ලකුණු 108ක් රැස් කළේය. එය ඔහුගේ මංගල විස්සයි20 ශතකය වීම විශේෂත්වයකි.
• සෙසු පිතිකරුවන්: කමිල්ට අනගි සහයක් ලබාදුන් Khawaja Nafay ලකුණු 54ක් සහ තව්හිද් රිදෝයි නොදැවී ලකුණු 54ක් ලබා ගනිමින් ලකුණු පුවරුව ඉහළ නැංවූහ.

2. ගෝල් ගැලන්ට්ස් පිළිතුරු ඉනිම

• ජැෆ්නා කණ්ඩායමෙන් හිමිවූ ලකුණු 243ක දැවැන්ත ජයග්‍රාහී ඉලක්කය හඹා ගිය ගෝල් ගැලන්ට්ස් කණ්ඩායමට පන්දුවාර 20 අවසානයේදී කඩුලු 8ක් දැවී ලබාගත හැකි වූයේ ලකුණු 228ක් පමණි. ඒ අනුව ජැෆ්නා කිංග්ස් කණ්ඩායම ලකුණු 14ක තේජාන්විත ජයක් වාර්තා කළේය.