ඩිජිටල් රියදුරු බලපත්ර වැඩසටහන: මහජන අදහස් විමසීම ඇරඹේ
දියත නිවුස් නිව්සීලන්තය (Diyatha News New Zealand)
2026 ජූලි 16 — නවසීලන්තයේ ඩිජිටල් රියදුරු බලපත්ර හඳුන්වා දීමේ වැඩසටහන තවත් පියවරක් ඉදිරියට තබමින්, ඒ සම්බන්ධයෙන් මහජන අදහස් විමසීම රජය විසින් අද (16) ආරම්භ කරනු ලැබීය. පසුගිය මැයි මාසයේදී මෙම ව්යාපෘතිය සඳහා අවශ්ය නීතිමය පසුබිම සකස් කෙරුණු අතර, ඒ අනුව මින් ඉදිරියට රියදුරන්ට තම බලපත්රය දුරකථනය තුළම තබා ගැනීමේ අවස්ථාව හිමිවනු ඇත.
වැඩසටහනේ ප්රධාන අංශ
- පෞද්ගලිකත්වය සහ ආරක්ෂාව: ඩිජිටල් බලපත්ර නිර්මාණය කර ඇත්තේ දත්ත ආරක්ෂාව (Privacy and Security) මූලික කර ගනිමිනි. අවශ්ය අවස්ථාවලදී පමණක් අදාළ පුද්ගලික තොරතුරු හුවමාරු කර ගැනීමට පරිශීලකයින්ට ඉඩකඩ ලැබෙනු ඇත.
- විකල්ප අවස්ථාවක්: මෙය සම්පූර්ණයෙන්ම ස්වේච්ඡා වැඩසටහනකි. සාම්ප්රදායික ප්ලාස්ටික් බලපත්රය භාවිතා කිරීමට කැමති අයට එලෙසම එය භාවිතා කිරීමට හැකියාව පවතී.
- ඩිජිටල්කරණය: මෙය හුදෙක් බලපත්රයකට පමණක් සීමා නොවී, ඉදිරියේදී වෑන්ට් ඔෆ් ෆිට්නස් (WoF) සහ වාහන ලියාපදිංචි කිරීමේ ලේබල් සඳහාද ඩිජිටල් විකල්ප හඳුන්වා දීමට පියවර ගෙන ඇත.
මහජන සහභාගීත්වය
ගමනාගමන අමාත්යවරයා පවසන්නේ මෙම පද්ධතිය වඩාත් කාර්යක්ෂම සහ විශ්වාසවන්ත එකක් කර ගැනීම සඳහා මහජනතාවගේ අදහස් අතිශය වැදගත් බවයි. මෙම උපදේශන ක්රියාවලිය ඉදිරි සති හතරක් පුරා ක්රියාත්මක වන අතර, මහජනතාවට සිය අදහස් සහ යෝජනා නවසීලන්ත ප්රවාහන ඒජන්සියේ (NZTA) නිල වෙබ් අඩවියේ ඇති “projects and consultation” අංශය හරහා අගෝස්තු 12 වන දින දක්වා ඉදිරිපත් කළ හැකිය.
මෙම ව්යාපෘතිය ඔස්ට්රේලියාවේ ප්රවාහන ආයතනයක් වන ‘Austroads’ සමඟ එක්ව සංවර්ධනය කෙරෙන අතර, මෙම වසර අවසන් වීමට පෙර එය ප්රායෝගිකව ක්රියාත්මක කිරීමට රජය අපේක්ෂා කරයි.
