ඇමෙරිකාවේ පාම් බීච් ජාත්යන්තර ගුවන්තොටුපළ “ජනාධිපති ඩොනල්ඩ් ජේ. ට්රම්ප් ජාත්යන්තර ගුවන්තොටුපළ” ලෙස නම් කෙරේ
දියත නිවුස් නිව්සීලන්තය (Diyatha News New Zealand)
2026 ජූලි 11 — ඇමෙරිකාවේ ෆ්ලොරිඩා ප්රාන්තයේ පිහිටි ප්රධාන ගුවන්තොටුපළක් වන ‘පාම් බීච් ජාත්යන්තර ගුවන්තොටුපළ’ (Palm Beach International Airport), නිල වශයෙන් ‘ජනාධිපති ඩොනල්ඩ් ජේ. ට්රම්ප් ජාත්යන්තර ගුවන්තොටුපළ’ ලෙස ඊයේ (09) නම් කර තිබේ.
වෙනස්කම් පිළිබඳ තොරතුරු
ගුවන්තොටුපළේ නාමකරණය වෙනස් කිරීමත් සමඟ එහි හඳුනාගැනීමේ කේතයන්හි ද වෙනසක් සිදු කර ඇත.
- නව කේතය: මීට පෙර මෙම ගුවන්තොටුපළ PBI ලෙස හැඳින්වූ අතර, එය මේ වන විට DJT (Donald J. Trump) ලෙස නිල වශයෙන් වෙනස් කර ඇත.
- ගුවන් ගමන් කටයුතු: නම සහ කේතය වෙනස් වුවද, ගුවන් මගීන්ගේ පහසුව සඳහා ලබන අගෝස්තු 18 වනදා දක්වා ගුවන් ටිකට්පත් වෙන්කරවා ගැනීමේදී පැරණි කේතය වන PBI භාවිතා කළ යුතු බව බලධාරීන් පවසයි.
- පිරිවැය: ගුවන්තොටුපළේ මෙම නාමකරණ වෙනස් කිරීම සහ ඒ ආශ්රිත කටයුතු සඳහා ඇමෙරිකානු ඩොලර් මිලියන 5.5ක මුදලක් වැය වී ඇත.
ඇමෙරිකාව තුළ මීට පෙර ද රාජ්ය වැඩසටහන්, නාවික හමුදා නැව් සහ විවිධ රජයේ ගොඩනැගිලි රැසක් සඳහා හිටපු ජනාධිපති ඩොනල්ඩ් ට්රම්ප් මහතාගේ නාමය එක් කර ඇත. ෆ්ලොරිඩා ප්රාන්තය ට්රම්ප් මහතාගේ ප්රධාන නවාතැන ලෙස සැලකෙන බැවින්, මෙම තීරණයට දේශපාලනමය වශයෙන් ද විශාල අවධානයක් යොමු වී ඇත.
